Délie VII

Celle beaulté, qui embellit le Monde

Quand nasquit celle en qui mourant je vis,

A imprimé en ma lumiere ronde

Non seulement ses lineamentz vifz:

Mais tellement tient mes espritz raviz,

En admirant sa mirable merveille,

Que presque mort, sa Deité m’esveille,

En la clarté de mes desirs funebres,

Ou plus m’allume, & plus, dont m’esmerveille,

Elle m’abysme en profondes tenebres.